Redmi К100 Pro смартфони: 7 дюймли экран ва 10 000 мА/соат сиғимли батарея
Таниқли инсайдер Digital Chat Station Хитойнинг йирик технология компанияларидан бири устида ишлаётган янги смартфоннинг техник хусусиятларини ошкор қилди. Гарчи қурилманинг аниқ номи сир тутилган бўлса-да, Гизмочина таҳлилчилари бу модел Redmi К100 туркумига мансуб флагман — Redmi К100 Pro ёки Pro Max бўлиши мумкинлигини тахмин қилмоқда. Бу ҳақда Ixbt.com хабар беради.
Янги смартфон ўзининг улкан, 7 дюймли 2К ўлчамли экрани билан ажралиб туради. Қурилманинг энг диққатга сазовор жиҳати эса унинг 10 000 мА/соатдан ортиқ сиғимга эга бўлган аккумуляторидир. Бу фойдаланувчиларга смартфондан узоқ вақт давомида қувватлашсиз фойдаланиш имконини беради.
Қурилма юқори даражадаги ҳимоя билан таъминланади: корпус IP68 ва IP69 стандартлари бўйича сув ҳамда чангдан ҳимояланган. Шунингдек, смартфонга замонавий ультратовушли бармоқ изи сканери ва мустаҳкам металл рамка ўрнатилиши кутилмоқда.
Proтсессор борасида маълумотлар турлича. Дастлабки миш-мишларда 2 нанометрли Snapdragon 8 Элите Ген 6 Pro чипи ҳақида сўз борган бўлса, янги маълумотларга кўра, қурилма 3 нанометрли Dimensity 9500 Plus ёки Xiaomi компаниясининг махсус Хринг О3 процессори билан жиҳозланиши мумкин.
