Венмо иловаси йирик янгиланишни тақдим этди
Венмо тўлов иловаси 2021-йилдан буён амалга оширилган энг йирик дизайн янгиланишини эълон қилди. Ушбу ўзгаришлар иловани янада қулай, ижтимоий ва навигация учун содда қилишга қаратилган. Мутахассислар ушбу янгиланишни ПайПал компаниясининг Венмўни алоҳида бизнес бирлигига айлантириш ва эҳтимолий сотувга тайёргарлик кўриш жараёни сифатида баҳоламоқда. Бу ҳақда Techcrunch.com хабар беради.
Илованинг янги тасмада фойдаланувчилар тўловлар билан боғлиқ визуал элементларни, жумладан, катталаштирилган тасвирлар ва тезкор реакцияларни кўришлари мумкин. Шунингдек, "Пай Агаин" ва "Сай Тҳанкс" каби тугмалар қўшилиб, шахсийлаштирилган кешбэк таклифлари ва харидлар тарихига асосланган тавсиялар тизими жорий этилди. "Гиве а Шоутоут" функцияси эса фойдаланувчиларга ўзлари ёқтирган маҳаллий бизнесларни қўллаб-қувватлаш имконини беради.
Келгуси ойларда "Сенд" ва "Моней" номли янги бўлимлар ишга туширилади. "Сенд" бўлимида тез-тез мулоқот қилинадиган контактлар юқорида кўринади, харажатларни бўлишиш (Групс) функцияси эса 30 кишигача бўлган гуруҳлар учун қулайлаштирилди. "Моней" бўлими орқали эса Теен Аккоунтс, криптовалюта операциялари ва харажатларни бошқариш имкониятлари бирлаштирилади.
Венмо раҳбарияти ушбу янгиланишлар бир йиллик фойдаланувчи тадқиқотлари натижасида ишлаб чиқилганини таъкидламоқда. Тадқиқотлар шуни кўрсатдики, кўплаб фойдаланувчилар иловадаги мавжуд функциялардан хабардор эмас. Янги дизайн айнан шу муаммони бартараф этиб, хизматлардан фойдаланишни янада интуитив қилишни мақсад қилган.
