Мото Г37 Повер: 3 кунлик қувват ва ҳарбий даражадаги мустаҳкамлик
Моторола компанияси ўзининг ҳамёнбоп смартфонлар туркумини янги Мото Г37 Повер модели билан бойитди. Қурилманинг асосий жиҳати 7000 мА/соат сиғимли аккумулятор бўлиб, у бир марта қувватланганда уч кунгача ишлаш имконини беради. Шунингдек, 33 В қувватга эга ТурбоПовер технологияси ва Баттерй Каре функцияси батарея умрини 1200 та қувватлаш сиклигача узайтиради. Бу ҳақда Ixbt.com хабар беради.
Смартфон MediaTek Dimensity 6400 чипи негизида ишлайди ва 6,7 дюймли, 120 Hz янгиланиш тезлигига эга ҲД+ ЛКД дисплей билан жиҳозланган. Экран 1050 нит ёрқинликни тақдим этади ва Смарт Ватер Тоуч технологияси туфайли нам бармоқлар билан ҳам бемалол бошқарилади. Оператив хотира 8 GB гача, ички хотира эса 128 GB гача ҳажмга эга.
Фото ва видео имкониятлари учун 50 мегапикселли асосий камера ўрнатилган бўлиб, у сунъий интеллектга асосланган AI Магик Эрасер ва Пҳото Унблур каби таҳрирлаш воситаларини қўллаб-қувватлайди. Олд камера эса 8 мегапикселли сенсорга эга. Қурилма Долбй Атмос ва Ҳи-Рес Audiо технологияли стерео динамиклар, шунингдек, 3,5 мм ли қулоқчин уяси билан таъминланган.
Қурилма Корнинг Горилла Гласс 7и ҳимоя ойнаси, МИЛ-СТД-810Ҳ ҳарбий стандарти ва ИП64 намлик ҳамда чангдан ҳимоя даражасига эга. Дастурий таъминот сифатида Ҳелло УИ интерфейсига эга Android 16 тизими ўрнатилган. Мото Г37 Повер смартфонининг нархи 165 доллардан бошланади.
