Xiaomi 17 Max тақдим этилди: 8000 мАс батарея ва 200 Мп Леика камера
Xiaomi компанияси ўзининг янги флагман смартфони — Xiaomi 17 Max моделини расман намойиш этди. Қурилма энг сўнгги Snapdragon 8 Элите Ген5 платформасида ишлайди ва 6,9 дюймли, 2К аниқликдаги улкан ОЛEД экранга эга бўлди. Дисплейнинг максимал ёрқинлиги 3800 нитни ташкил этади, 3840 Гс частотали ШИМ технологияси эса кўз чарчашининг олдини олади. Экран Dragon Крйстал Гласс 3.0 ҳимоя ойнаси билан қопланган. Бу ҳақда Ixbt.com хабар беради.
Смартфоннинг асосий ўзига хослиги унинг 8000 мАс сиғимли улкан аккумуляторидир. У 100 В қувватли симли ва 50 В қувватли сиmsиз тезкор қувватланишни қўллаб-қувватлайди. Xiaomi ўтказган тестларга кўра, ушбу модел автономлик борасида iPhone 17 Pro Max қурилмасидан икки баравар устунликка эга.
Камера имкониятлари ҳам юқори даражада: асосий датчик сифатида 200 мегапикселли Samsung HP9 сенсори танланган. Шунингдек, 50 мегапикселли ўта кенг бурчакли объектив ва 3 карра оптик яқинлаштиришга эга перископ модул ўрнатилган. Олд камера эса 32 мегапикселли аниқликка эга.
Xiaomi 17 Max корпуси IP68 стандарти бўйича сув ва чангдан ҳимояланган. Қурилма ультратовушли бармоқ изи сканери, Wi-Fi 7, Bluetooth 5.4, стереодинамиклар ва NFC модули билан жиҳозланган. Нархларга келсак, 12/256 GB хотирали база версияси 630 доллар, 16/512 GB сиғимли топ талқини эса 780 доллар этиб белгиланди. Шунингдек, тадбирда ҳамёнбоп Смарт Банд 10 Pro фитнес-билагузуги ҳам намойиш этилди.
