Starshipнинг янги авлод иссиқлик ҳимояси 100 фоизлик натижа кўрсатди
SpaceX раҳбари Elon Musk навбатдаги синов парвозидан сўнг Starship космик кемасининг иссиқликдан ҳимоя қатлами ҳолатига изоҳ берди. Тармоқ фойдаланувчилари атмосферага киришдан кейин ҳимоя плиталарининг ғайритабиий даражада яхши сақланиб қолганига эътибор қаратишди. Моокафиш фойдаланувчиси ушбу ҳолатни қайд этиб, бу қайтиб келган кемалар орасидаги энг тоза экран эканини таъкидлади. Бу ҳақда Ixbt.com хабар беради.
Elon Musk ушбу хабарни ўз саҳифасига жойлаб, қисқача қилиб: «Бирорта ҳам куйган жой йўқ. Ҳимоя бардош берди», — дея жавоб қайтарди. Starship иссиқлик ҳимояси плиталари кеманинг кўп марта фойдаланиш тизимидаги энг муҳим элементлардан бири ҳисобланади. Атмосферага қайта кириш вақтида аппарат сирти экстремал даражадаги қизишга дуч келади ва экраннинг ҳар қандай шикастланиши кеманинг йўқ қилинишига олиб келиши мумкин.
12-парвоз SpaceX компанияси Starship иссиқлик ҳимояси тизимини такомиллаштиришда улкан муваффақиятга эришганини тасдиқлади. Аввалроқ Starship барча 20 та Starlink сунъий йўлдош симуляторларини ҳамда тасвирга олиш учун махсус мослаштирилган иккита модификацияланган Starlink сунъий йўлдошини орбитага чиқаргани хабар қилинган эди.
Эслатиб ўтамиз, SpaceX 12-парвоз давомида янги рекорд ўрнатди. Ракета орбитага тахминан 45 тонна оғирликдаги Starlink масс-симуляторларини олиб чиқди. Ҳозирда Федерал авиация бошқармаси (ФАА) ушбу парвоздан кейин бирон-бир ҳодиса юзасидан текширув ўтказиш зарурлиги борасида якуний қарор қабул қилмаган.
