Россия App Store дўконидан иловаларни ўчириш бўйича дунёда биринчи бўлди
Apple компанияси ўзининг шаффофлик тўғрисидаги янги ҳисоботини эълон қилди. Унда Россиянинг App Store сегментида мисли кўрилмаган цензура даражаси қайд этилган: 2025-йилда Россия ҳукуматининг талаби билан дўкондан 1213 та илова ўчириб ташланган. Бу ҳақда Ixbt.com хабар беради.
Ушбу кўрсаткич Россияни иловаларни ўчириш бўйича мутлақ жаҳон етакчисига айлантирди. Россиядаги ўчиришлар сони 2024-йилга (171 та илова) нисбатан 7 баравар, 2023-йилга (12 та илова) нисбатан эса 100 баравар ошган.
Россия контентни давлат томонидан тартибга солувчи бошқа мамлакатларни катта фарқ билан ортда қолдирди. Таққослаш учун: Ветнамда 335 та, Хитойда 196 та, Ҳиндистонда эса бор-йўғи 54 та илова ўчирилган.
Apple компаниясининг расмий позицияси ўзгаришсиз қолмоқда — корпорация контентни фақат маҳаллий қонунлар ижросини таъминлаш мақсадида ва давлат органларининг расмий сўровига асосан ўчириб ташлайди.
