Инстаграм шахсий мессенжерини синовдан ўтказмоқда

Машҳур Инстаграм ижтимоий тармоғи Direct номли шахсий мессенжерини омма эътиборига ҳавола этишни режалаштирмоқда.

Хабарда келтирилишича, илова айни пайтда Исроил, Италия, Португалия, Туркия, Чили ва Уругвайдаги интернет фойдаланувчилари томонидан синовдан ўтказиляпти.

“Агар сиз Directни ўрнатиб олсангиз, Инстаграм саҳифасидаги кириш хабарлари папкаси йўқолади ва унга фақат хабар алмашиш иловасидан кирса бўлади” дейилади хабарда.

Айни пайтда илованинг расмий равишда тақдим этилиш санаси эълон қилинганича йўқ.