«Telegram»нинг «клон»и пайдо бўлди

Фото: «Xabar.uz»
АҚШда ўтган «TechCruch» конференциясида блокчейнда ишловчи, шифрланган Stealthy IM» мессенжери тақдимоти ўтказилди.

Тақдимотга кўра, «Stealthy IM» ҳимояланган мессенжер сифатида таништирилди. Яъни фойдаланувчиларп ахборотни йўқотишдан қўрқишмаса ҳам бўлади. У оддий фойдаланувчилар учун бепул, корпоратив мижозлар эса бошланишига озроқ тўлов қилишлари керак бўлади. «iOS» ва «Android» учун версиялари ишлаб чиқилган.

Аммо интернет фойдаланувчилари эътиборини бошқа жиҳат тортди: янги мессенжернинг логотипи «Telegram»никига моҳиятан жуда — оқ қоғоз самолётчанинг тумшуғи ўнг юқори томонга қаратилган...

«Телеграм» асосчиси Павел Дуров бу шубҳали мутаносибликка ҳозирча чурқ этгани йўқ. Ҳойнаҳой у «gram» савдо белгиси билан боғлиқ суд машмашалари билан андармон бўлса керак.