GM Uzbekistan zavodi faoliyati qaytadan yo‘lga qo‘yildi

Asakadagi GM Uzbekistan QK zavodi avgust oyidagi yillik profilaktikadan so‘ng o‘z ishini qaytadan yo‘lga qo‘ydi, deya xabar qildi \"Gazeta.uz\" nashri.

«Rejali-ehtiyotdan qilinadigan ishlar jadvalida ko‘zda tutilgan barcha chora-tadbirlar muvaffaqiyatli yakunlanib, bugundan (5 sentyabr — tahr.) Asaka avtozavodidagi ishlab chiqarish liniyalari ishga tushirildi», — deyiladi xabarda.

«Ayni paytda zavod ko‘zda tutilgan reja parametrlariga muvofiq tarzda shtat rejimida faoliyat ko‘rsatmoqda», — qayd etdi matbuot xizmati.