Namanganda birinchi xalqaro avtofestival boshlandi (foto)

Namanganda birinchi xalqaro avtofestival boshlandi. Bu haqda “Daryo” nashri xabar bermoqda.

Tadbir Namangan xalqaro aeroportidan shahar markaziga yoʻl olgan avtoparad bilan start oldi.

<sup>Foto: Oqilxon Mamajonov

Foto: Oqilxon Mamajonov

Foto: Oqilxon Mamajonov

Foto: Oqilxon Mamajonov</sup>
100 dan ortiq turli rusumdagi avtomobillar “Afsonalar vodiysi” bogʻi tomon yoʻl oldi. Ularni shahar aholisi va mehmonlar olqishlar bilan kuzatib qoʻydi.

<sup>Foto: Oqilxon Mamajonov

Foto: Oqilxon Mamajonov</sup>
“Afsonalar vodiysi” bogʻida festivalning rasmiy ochilish marosimi boʻlib oʻtdi. Viloyat hokimi Shavkat Abdurazzaqov ishtirokchilarni qutlab, ularga muvaffaqiyat tiladi.

<sup>Foto: Oqilxon Mamajonov

Foto: Oqilxon Mamajonov

Foto: Oqilxon Mamajonov</sup>
Festival doirasida retro, sport va tyuning qilingan avtomobillar koʻrgazmasi, avtoustalar bellashuvi, drift tomoshalari, karting musobaqalari, mashina ehtiyot qismlari yarmarkasi hamda kontsert dasturlari boʻlib oʻtmoqda.

<sup>Foto: Oqilxon Mamajonov

Foto: Oqilxon Mamajonov

Foto: Oqilxon Mamajonov</sup>
Tadbirda nafaqat poytaxt va viloyatlardan kelgan ishtirokchilar, balki Rossiya, Qozogʻiston, Tojikiston va Qirgʻiziston vakillari ham qatnashmoqda. Shuningdek, ijtimoiy tarmoqlar orqali muxlislarga tanish boʻlgan avtoblogerlarning chiqishlari ham kuzatildi.

^{Foto: Oqilxon Mamajonov}

Foto: Oqilxon Mamajonov

<sup>Foto: Oqilxon Mamajonov

Foto: Oqilxon Mamajonov</sup>
Mutasaddilarning bildirishicha, tadbirga qiziqish katta boʻlgani sababli festival avval rejalashtirilganidek bir kun emas, uch kun davom etishi koʻzda tutilmoqda. Uning yakunida faol ishtirokchilar 32 ta yoʻnalish boʻyicha diplom va sovgʻalar bilan taqdirlanadi.

<sup>Foto: Oqilxon Mamajonov

Foto: Oqilxon Mamajonov

Foto: Oqilxon Mamajonov</sup>