Jaguar elektrokrossoveri Tesla Model X bilan poygada bahslashdi (video)

Jaguar kompaniyasi I-Race elektrokrossoverini ikkita Tesla Model X bilan taqqosladi. Musobaqa aks etgan videorolik kompaniyaning YouTube‘dagi kanaliga joylangan, deb yozmoqda “Daryo”.

Haydovchilarning vazifasi avtomobillarni 96 km/soat tezlikka chiqarish va keyin to‘xtatish bo‘lgan. Bu ishni tezroq bajargan haydovchi g‘olib chiqqan.

Dastlab Jaguar 75 kilovatt/soat sig‘imli batareya bilan jihozlangan Tesla Model X bilan bahsga kirishgan, keyin esa 100 kilovatt/soat sig‘imli batareyaga ega Tesla bilan poyga uyushtirilgan. Ikki holatda ham Jaguar g‘olib chiqqan.