Prigojin isyoni tugadi. «Vagner» harbiylarining Rostovdan ketishi suratlarda

23 iyun kuni «Vagner» XHK rahbari Evgeniy Prigojin mudofaa vaziri Sergey Shoygu va Bosh shtab boshligʻi Valeriy Gerasimovni jinoyatlarda ayblab, Rossiyada harbiy isyon boshladi. Prigojinning yollanma askarlari Rostov-Don markaziga ogʻir harbiy texnikalarni olib kirishdi va Janubiy harbiy okrug shtabini egalladi. Biznesmen Moskva tomon «adolat marshi» uyushtirishini e'lon qildi. 

Shanba kuni kunduzi «vagnerchilar» kolonnasini Voronej va Lipetsk oblastlarida koʻrishdi. Ammo kechga borib Prigojin yollanma jangchilar «kolonnalarni ortga qaytargani» va «reja boʻyicha dala lagerlari yoʻnalishida harakatlanayotgani» haqida ma'lum qildi.

Bu uning Vladimir Putin iltimosi boʻyicha Aleksandr Lukashenko bilan oʻtkazgan telefon muloqotidan keyin roʻy berdi. «Vagner» jangchilari olqishlar va mahalliy aholining hayqiriqlari ostida Rostov-Donni tark etishdi. Quyida ushbu jarayon aks etgan suratlar.