Shavkat Mirziyoyev Qozon shahriga yetib bordi

Shavkat Mirziyoyev Rossiyaga rasmiy tashrifning birinchi manzili — Qozon shahriga yetib bordi. Bu haqda Prezident matbuot xizmati xabar berdi.

Abdulla To‘qay nomidagi xalqaro aeroportda davlat rahbarini Rossiya hukumati raisining o‘rinbosari — sanoat va savdo vaziri Denis Manturov va Tatariston raisi Rustam Minnixanov kutib oldi. Tashrif dasturiga muvofiq, bugun Qozonda qator tadbirlar bo‘lib o‘tadi.

Ertaga, 6-oktyabr kuni, Moskvada bo‘lib o‘tadigan oliy darajadagi uchrashuvda ikki mamlakat yetakchilari O‘zbekiston—Rossiya munosabatlarini yanada mustahkamlash va ko‘p qirrali hamkorlikni, eng avvalo, siyosiy, savdo-iqtisodiy, investitsiyaviy va madaniy-gumanitar sohalarda rivojlantirish masalalarini muhokama qiladi.

Eslatib o‘tamiz, Shavkat Mirziyoyev Rossiya prezidenti Vladimir Putinning taklifiga binoan 2022-yil 7-oktabr kuni Sankt-Peterburg shahrida o‘tkaziladigan Mustaqil Davlatlar Hamdo‘stligi davlat rahbarlarining norasmiy sammiti tadbirlarida ishtirok etgandi.