Rossiya va Ukraina harbiy asirlar almashdi (foto)

^{Foto: Ukraina prezidenti Telegram kanali}
Rossiya va Ukraina yangi asirlar almashinuvini amalga oshirdi, har ikki tomondan 100 nafardan askar uyga qaytishga muvaffaq bo‘ldi. Bu haqda Ukraina prezidenti Vladimir Zelenskiy xabar berdi.

Zelenskiy vataniga qaytgan ukrainaliklarning aksariyati Mariupol va “Azovstal” metallurgiya zavodini himoya qilganini aytib, shu kungacha 3135 nafar ukrainalik Rossiya asirligidan ozod etilganini qo‘shimcha qildi.

^{Foto: Ukraina prezidenti Telegram kanali}
Ozod qilingan rus askarlari “tibbiyot muassasalarida davolanish va reabilitatsiya qilish uchun” Moskvaga olib ketilgan. Birlashgan Arab Amirliklari yana vositachi sifatida qatnashgan. Asirlar almashinuvi Rossiyaning Ukrainaga raketa va dron hujumlarini davom ettirayotgan bir paytda amalga oshmoqda.

^{Foto: Ukraina prezidenti Telegram kanali}
“Yana 100 nafar ukrainalik uylarida. Milliy gvardiya, chegarachilar, Ukraina qurolli kuchlari. Ko‘pchilik Mariupol himoyachilaridir. Hammasi o‘zimiznikilar, hamma yana ona yurtida”, — deydi Zelenskiy.

<sup>Foto: Ukraina prezidenti Telegram kanali

Foto: Rossiya Mudofaa vazirligi

Foto: Rossiya Mudofaa vazirligi</sup>