Chechenistonda er silkinishi sodir bo‘ldi. Qodirov fuqarolarni xotirjamlikka chaqirmoqda

Checheniston poytaxti Grozniy shahrida er silkinishi yuz berdi. Bu haqda «Interfaks»ga tayanib Kun.uz xabar bermoqda.

«Grozniy shahrida 4,3 magnitudali zilzila ro‘y berdi», - deyiladi xabarda.

Mahkama ma’lumotlariga ko‘ra, er silkinishi o‘chog‘i er tubidan 15 kilometr chuqurlikda joylashgan.

Shuningdek xabar qilinishicha, Checheniston rahbari Ramzon Qodirov ehtimoliy vayronagarchiliklarni aniqlash maqsadida tekshiruv o‘tkazilayotganini ma’lum qildi. Biroq, dastlabki xabarlarga qaraganda, er silkinishi hech qanday jiddiy oqibatlarga olib kelmagan. Qodirov Grozniy aholisini o‘z uylariga qaytishga va xotirjamlikka chaqirdi.