Interpol prezidenti isteʼfoga ketdi

Xitoy hukumati tomonidan ushlangani aytilayotgan Interpol prezidenti Men Xunvey xalqaro tashkilot rahbari lavozimidan ketdi.

“Bugun 7 oktyabrda Interpolning Liondagi bosh kotibiyati janob Men Xunveyning Interpol prezidenti sifatida oʻz vakolatlarini zimmasidan soqit qilish haqidagi iltimosnomani oldi”, deyilgan xabarda.

Unda tashkilot qoidalariga koʻra, Interpol prezidenti lavozimini katta vitse-prezident Kim Chon Yan egallashi koʻrsatilgan.

Interpolning yangi rahbari saylovlari tashkilot bosh assambleyasining BAAda 18-21 noyabrda oʻtadigan sessiyasi doirasida boʻlib oʻtadi.