Bortida yoʻlovchilari bilan yonib ketayotgan samolyot videoga olindi

Ijtimoiy tarmoqlarda Iran Air yoʻlovchi samolyotining qoʻnish vaqtida yonib ketish holati videoyozuvi paydo boʻldi.

Hodisa Eron poytaxti Tehron shahridagi Mehrobod xalqaro aeroportida sodir boʻldi. Kadrlarda qoʻnayotgan samolyotning turli qismlari alanga olayotganini koʻrish mumkin.

Dastlabki xabarlarga koʻra, yongʻinga samolyot shassisining nosozligi sabab boʻlgan.
Yongʻinni tezda oʻchirishga muvaffaq boʻlishgan. Yoʻlovchilardan hech kim jabrlanmagani aytilmoqda.