Rossiya kemasi po‘rtana tufayli Ukraina hududiga adashib kirib qoldi

^{Foto: Google Images}
Rossiyaning «Melita» kemasi 5 iyun kuni po‘rtana tufayli Ukrainaning Qora dengizdagi hududiy suvlariga kirib qoldi. Bu haqda Daryo xabar bermoqda.

Ruminiyaning Konstansa portiga ketayotgan kema yo‘nalishdan adashib, Ukraina hududiy suvlariga 5 dengiz mili masofasida kirib borgan. Chegarachilar kemani tutib turmaslikka qaror qildi: ekipaj mazkur holat yuzasidan tushuntirish berdi va kema manzil sari yo‘l oldi.

Ukraina harbiy-dengiz kuchlari mutasaddilariga ko‘ra, aslida «Melita»ni ushlab turish uchun chegarachilarda asos bo‘lgan—chegara buzishdan tashqari kemada avtomatik payqash tizimi ham o‘chiq bo‘lgan.