AQShda pul tashiyotgan zirhli avtomobilning eshigi ochilib ketib, yo‘lga dollarlar sochildi (video)

AQShning Jorjiya shtatida pul tashiyotgan zirhli avtomobilning qatnov chog‘i yon eshigi ochilib ketdi va yo‘lga kupyuralar sochildi. Bu haqda «Daryo» xabar bermoqda.

Mahalliy politsiya vakili Robert Parsonsga ko‘ra, yo‘lga ancha-muncha pullar sochilgan va u avval bunday holatni faqat filmlarda ko‘rgan.

Guvohlarning aytishicha, ayrim haydovchilar kupyuralarni yig‘ishtirib olish uchun to‘xtagan. Politsiya yetib kelgan vaqt ularning ko‘pchiligi allaqachon ketib bo‘lgandi.