Islandiyada vulqon sabab bo‘shab qolgan shahar

2023-yilda Islandiyaning Grindavik shahri yaqinida vulqon otilishi sodir bo‘lib, 3 700 kishi evakuatsiya qilingan. Bir kechada bo‘shab qolgan shahar bugun “ruhlarga tegishli shahar” deb ataladi va sayyohlar uchun ochilgan.

Vulqon otilishi paytida uylar va yo‘llar zarar ko‘rgan, yer yorilib ketgan. Ayrim aholi xavfga qaramay qaytgan, biroq ko‘pchilik hanuz boshqa joyda yashaydi.

Shaharda o‘sha voqealarni aks ettiruvchi fotosurat ko‘rgazmasi tashkil etilgan. Unda qutqaruvchilar, vayronalar va o‘z uyini yo‘qotgan odamlar tasvirlangan.

Grindavikda endi faqat oz sonli odamlar yashaydi. Mutaxassislar bu hududda yana vulqon otilishlari sodir bo‘lishi mumkinligini aytmoqda.