«Qalbingda bo‘yso‘nmas bo‘ri yashasin»

“Goh olov xalqadan sakraydi yo‘lbars,
Goh ustundek qotgay filning oyog‘i.
Bunda har narsaga qodir afsungar -
Hayvon o‘ynatuvchi odam tayog‘i.

Hatto timsohni ham tizginlash mumkin,
Qafas aro yuvosh termular arslon.
Faqat bo‘ri degan bir jonzot borki,
Qamchiga bo‘y egmas biling hech qachon!..

Qattol hayvonbozi bisyor dunyoning,
Qamchisi ayovsiz, ololmaysan tin.
Hayot sahrosida darbadar Inson,
Qalbingda bo‘ysunmas bo‘ri yashasin...

Manba: Azon.uz