Oʻzbekistonda dollarning rasmiy kursi 8600 soʻmga yaqinlashmoqda

Oʻzbekiston Respublikasi Markaziy banki 2-iyuldan xorijiy valyutalarning soʻmga nisbatan yangi qiymatini belgiladi.
Unga koʻra, 1 AQSH dollari oʻtgan haftadagi kursga nisbatan 12,40 soʻmga koʻtarilgan va 1 dollar 8574,74 soʻmga teng boʻlib turibdi.

1 yevro kursi 15,80 soʻmga oshib, 9747,76 soʻmni tashkil etgan.
1 rubl esa 0,49 soʻmga qimmatlab, 135,83 soʻmga teng boʻlib turibdi.

Eslatib oʻtamiz, valyuta qiymatini belgilash chogʻida Oʻzbekiston Respublikasi Markaziy banki mazkur valyutalarni ushbu qiymatda sotish yoki sotib olish majburiyatini olmagan.