Samarqandda «razbor» qilmoqchi bo‘lgan 16 kishi ushlanib, qamoqqa olindi

^{Foto: Samarqand IIB matbuot xizmati}
Samarqand viloyatining Paxtachi tumanida bir guruh shaxslar rejalashtirgan janjalning oldi olindi. Bu haqda viloyat IIB matbuot xizmati xabar berdi.

Olingan tezkor ma’lumotga asosan, Paxtachi tumani «Qoraqo‘ton» ma’danli maydonida tarkibida oltin moddasi bo‘lgan toshlarni talon-toroj qilish bilan shug‘ullanuvchi ikki guruh ma’danli maydonida hudud talashib, «razbor» o‘tkazmoqchiligi aniqlangan va uning oldi olingan.

Tezkor tadbir davomida 16 nafar shaxs qo‘lga olinib, ularga nisbatan ma’muriy qamoq jazosi tayinlangan.