Ko‘ksaroyda Ilhom Aliyevni rasmiy kutib olish marosimi bo‘lib o‘tdi

Ko‘ksaroy qarorgohida 21 iyun kuni O‘zbekistonga davlat tashrifi bilan kelgan Ozarbayjon prezidenti Ilhom Aliyevni rasmiy kutib olish marosimi bo‘lib o‘tdi. Bu haqda Prezident matbuot xizmati xabar qildi.

Qayd etilishicha, ikki mamlakatning davlat bayroqlari bilan bezatilgan maydonda Ozarbayjon rahbari sharafiga faxriy qorovul saf tortgan. Shavkat Mirziyoyev oliy martabali mehmonni kutib olgan.

Davlat rahbarlari shohsupaga ko‘tarilgan. O‘zbekiston va Ozarbayjon madhiyalari yangragan.

^{Foto: Prezident matbuot xizmati}
Mamlakatlar yetakchilari faxriy qorovul safi oldidan o‘tgan. Marosimda O‘zbekiston va Ozarbayjon rasmiy delegatsiyalari a’zolari ishtirok etgan.