Ota farzandlariga aliment o‘rniga uy berdi

Majburiy ijro byurosining Yuqorichirchiq tumani bo‘limi ish yurituvidagi fuqarolik ishlari bo‘yicha Chirchiq tumanlararo sudining ijro varaqasiga asosan qarzdor N.Kurbanbayevdan, undiruvchi S.Djorabayeva foydasiga ikki nafar farzandlarining moddiy taminoti uchun aliment undirish to‘g‘risidagi ijro xujjati yuzasidan qarzdor N.Kurbanbayev o‘ziga tegishli bo‘lgan Chirchik shahridagi xonadonni, farzandlari voyaga yetguniga qadar to‘lanishi lozim bo‘lgan aliment pullari evaziga rasmiylashtirib berish taklifini bildirdi.

Undiruvchining roziligi asosida mazkur xonadon, S.Djorabayevaga 01.06.2022 yildagi davlat notarial idorasining \"Alimentni natura shaklida tulash tugrisidagi kelishuv\" bitimiga asosan rasmiylashtirib berildi.