Dauletmurat Tajimuratov va Lolagul Qallixanovaga qanday ayblovlar qoʻyilgani ma'lum boʻldi

^{Foto: Oliy sud matbuot xizmati}
Ayblanuvchilar orasida Qoraqalpogʻiston Respublikasi Ichki ishlar vazirligi Jinoyat qidiruv boshqarmasi boʻlimi boshligʻi ham bor.
Nukus voqealarida aybdor deb topilganlar yuzasidan sud jarayonlari davom etmoqda.

Unga koʻra: 1979 yilda tugʻilgan Dauletmurat Tajimuratov – ishtirokchilikda qasddan badanga ogʻir shikast etkazish (JK 28,104-moddasi), Oʻzbekiston Respublikasining konstitutsiyaviy tuzumiga tajovuz qilish ( JK 159-moddasi), oʻzlashtirish yoki rastrata yoʻli bilan talon-toroj qilish (167-modda), jinoiy faoliyatdan olingan daromadlarni legallashtirish (243-moddasi), ommaviy tartibsizliklar (244-moddasi), jamoat xavfsizligi va jamoat tartibiga tahdid soladigan materiallarni tayyorlash, saqlash, tarqatish yoki namoyish etish (244-1-moddasi) jinoyatlarini sodir etishda ayblanmoqda.

1989 yilda tugʻilgan, «Makan» internet-nashri ma'muri Lolagul Kallixanova esa Jinoyat kodeksining 28,104-moddasi, 159-moddasi, 244- va 244-1-moddasida koʻrsatilgan jinoyatlarni sodir qilishda ayblanmoqda.

Ayblanuvchilar orasida 45 yoshli Qoraqalpogʻiston Respublikasi Ichki ishlar vazirligi Jinoyat qidiruv boshqarmasi boʻlimi boshligʻi Poʻlat Shamshetov ham bor. U Jinoyat kodeksining 244-moddasi 3-qismida nazarda tutilgan «qurol yoki qurol sifatida foydalaniladigan boshqa narsalarni ishlatib yoxud ishlatish bilan qoʻrqitib shaxsga nisbatan zoʻrlik ishlatish, qirgʻin solish, oʻt qoʻyish, mulkka shikast etkazish yoki uni nobud qilish, hokimiyat vakiliga qarshilik koʻrsatish orqali sodir etilgan ommaviy tartibsizliklar tashkil qilish, shuningdek, ommaviy tartibsizliklarda faol qatnashish»da ayblanmoqda.