Prezident qarori e’lon qilindi
Foto: Prezident matbuot xizmati.
«Yashil energiya» sertifikatlari tizimini joriy etish chora-tadbirlari to‘g‘risida»gi Prezident qarori (PQ–156-son, 12.05.2023 y.) qabul qilindi.
Qarorga muvofiq, elektrning qayta tiklanuvchi manbalar asosida ishlab chiqarilganini tasdiqlovchi «yashil energiya» sertifikati tizimi quyidagi bosqichlarda joriy etiladi:
-2023 yil 1 iyuldan – «O‘zbekgidroenergo» AJdagi gidroelektr stansiyalarida ishlab chiqarilgan elektr uchun;
- 2023 yil 1 oktyabrdan – quyosh, shamol va gidroelektr stansiyalarida ishlab chiqarilgan elektr uchun.
Bitta «yashil energiya» sertifikati 1000 kVt*soat elektr ishlab chiqarilganligini tasdiqlaydi.
«Yashil energiya» sertifikatlari tizimini yuritish Iqtisodiyot va moliya vazirligi tomonidan amalga oshiriladi.
Qayta tiklanuvchi manbalardan foydalanishga asoslangan generatsiya obyektlarining «yashil energiya» sertifikatlari savdosidan tushgan daromadlari foyda solig‘idan ozod etiladi.
Mavzuga oid yangiliklar
Maʼlumot Mehmon guruhidagi foydalanuvchilar ushbu maqolaga izoh qoldira olmaydi.
