Aliment sabab, farzandidan uzoqlashayotgan otalar...
Byuro organlari tomonidan aliment to‘lovlarini undirish, voyaga yetmaganlarning huquq-manfaatlarini himoya qilish borasidagi tadbirlar davomida farzandi moddiy ta’minotidan bo‘yin tovlab, yashirinib yurgan qarzdor otalar izlab topilmoqda.
Jumladan, Byuroning Toshkent viloyati boshqarmasi qidiruv bo‘limi xodimlari tomonidan 2023 yil 24-26 oktyabr kunlari Qibray tumanida alimentdan qarzdorligi 20 mln. so‘mdan yuqori bo‘lgan 101 nafar shaxsga nisbatan tezkor-qidiruv ishlari olib borildi.
Sud ushbu tadbirda topilgan qarzdorlarning 33 nafariga nisbatan MJtKning 47-4-moddasi bilan 15 sutka ma’muriy qamoq jazosi belgiladi, 3 nafariga esa JKning 122-moddasi bilan jinoyat ishi qo‘zg‘atdi.
Hozirda qolgan qarzdorlar bo‘yicha tezkor qidiruv ishlari olib borilmokda.
