Ziroat Mirziyoeva Nukus shahridagi 2 ta maktabga tashrif buyurdi

“Zamin” fondi Vasiylik kengashi raisi Ziroat Mirziyoeva Nukus shahridagi 1-sonli umumta'lim maktabi va 4-sonli ixtisoslashtirilgan maktab-internatiga tashrif buyurdi. Bu haqda fond matbuot xizmati xabar berdi.

^{Foto: “Zamin” fondi}
Ziroat Mirziyoeva oʻqituvchilar va oʻquvchilar bilan suhbatlashdi, ularning yutuqlari haqida ma'lumot oldi, shuningdek, ta'lim muassasalarida oʻrnatilgan zamonaviy suv tozalash tizimlarini koʻzdan kechirdi.

^{Foto: “Zamin” fondi}
Fond koʻmagida Qoraqalpogʻiston Respublikasidagi 180 ta maktab toza ichimlik suvidan bahramand boʻlishi uchun suv tayyorlash uskunalari bilan jihozlandi.

^{Foto: “Zamin” fondi}
Loyihaning barqarorligini ta'minlash maqsadida maktablarda UNICEF ekspertlari tomonidan suvni tejash, sanitariya va gigiena boʻyicha treninglar oʻtkazilmoqda.

^{Foto: “Zamin” fondi}
“Toza ichimlik suvi” loyihasini amalga oshirish doirasida kelgusida Qoraqalpogʻistonning yana 52 ta maktabida suv tozalash tizimlari oʻrnatiladi, bu esa bolalarning ta'lim olish sharoitlari va salomatligini yaxshilash imkonini beradi.

<sup>Foto: “Zamin” fondi

Foto: “Zamin” fondi</sup>