Toshkentdagi ikki tumanda elektr ta'minoti vaqtincha oʻchiriladi

^{Foto: Toshkent shahar elektr tarmoqlari}
7 fevral kuni Yunusobod va Chilonzor tumanlarida elektr energiyasi boʻyicha cheklovlar kiritiladi.

Toshkentning Yunusobod va Chilonzor tumanlarida elektr ta'minoti vaqtincha oʻchiriladi. Bu haqda «Toshkent shahar elektr tarmoqlari» xabar berdi.

Qayd qilinishicha, iste'molchilarga sifatli va barqaror elektr energiyasi etkazib berilishini ta'minlash, elektr tarmoqlaridagi avariyaviy holatlarni oldini olish hamda mavjud elektr qurilmalarida ta'mirlash ishlarini olib borish maqsadida, 7 fevral kuni quyidagi manzillarda elektr ta'minoti vaqtincha oʻchiriladi:

- Yunusobod tumani: «Obod», «Otchopar-1» hamda «Otchopar-2» mahallasi ayrim hududlarida soat 00:00 dan 06:00 gacha;

- Chilonzor tumani: «Katta Chilonzor-2» mahallasi ayrim hududlarida soat 10:00 dan 16:00 gacha.

Yuqoridagi hududlarda ta'mirlash ishlari belgilangan vaqtdan avvalroq yakunlanishi, elektr ta'minoti ertaroq tiklanishi mumkinligi ham bildirilgan.