Gulistonda haydovchiga tahdid qilib, uning mashinasini haydab qochgan yo‘lovchi qo‘lga olindi

Guliston shahrida yashovchi fuqaroning \"Matiz\" rusumli avtomashinasida yo‘lovchi sifatida kelayotgan 20 yoshli fuqaro haydovchiga pichoq o‘qtalib, tahdid qilgan. Haydovchiga tan jarohati etkazib, uning ma’lum miqdordagi pullarini olib, avtomashinani haydab qochgan. Jinoyatchi shu hududda xizmat olib borayotgan Sirdaryo viloyati IIB xodimlari tomonidan qo‘lga olingan va ushbu jinoyat to‘liq fosh etilgan.

Ushbu holat bo‘yicha jinoyat ishi qo‘zg‘atilib, tergov harakatlari olib borilmoqda, deb yozadi Uz24.uz sayti.