Buxoroda 4,5 mlrd so‘mlik gazni noqonuniy ishlatgan sex fosh etildi

Buxoro shahrida joylashgan “B. E.” mas’uliyati cheklangan jamiyatga qarashli qog‘oz ishlab chiqarish sexida tabiiy gazdan noqonuniy foydalanilgani aniqlandi, deb “O‘zenergoinspeksiya” Buxoro viloyati hududiy boshqarmasi xabar berdi.

Nazorat tadbiri viloyat prokuraturasi va gaz ta’minoti korxonasi hamkorligida o‘tkazilgan. Dastlabki hisoblarga ko‘ra, gaz ta’minoti tizimiga yetkazilgan moddiy zarar 4 milliard 524 million so‘mni tashkil etgan.

Hozirda huquqni muhofaza qilish organlari tomonidan tergovgacha bo‘lgan tekshiruv ishlari olib borilmoqda. Voqea yuzasidan qonuniy choralar ko‘rilishi kutilmoqda.