Dushanbeda o‘z chaqalog‘ini 1 ming somoniyga sotib yuborgan ayol qo‘lga olindi

Tojikiston poytaxti Dushanbe shahrida istiqomat qiluvchi ayol tojik milisiyasi tomonidan yangi tug‘ilgan chaqaloqni sotishda gumon qilinib qo‘lga olindi.

Tojikiston ichki ishlar vazirligining xabar berishicha, 32 yoshli ayol qizini 2016 yilning 6 dekabr kuni dunyoga keltirgan. U farzandini Vose tumanilik fuqaroga 14 dekabr kuni 1 ming somoniyga sotib yuborgan, deb yozmoqda Kun.uz sayti.

Ushbu holat bo‘yicha jinoyat ishi qo‘zg‘atilib, tergov harakatlari boshlandi, deyiladi huquqni muhofaza qilish mahkamasi xabarida.