Toshkentda bir vaqtda 8 ta avtomobil to‘qnashdi

Kecha, 28 mart kuni Toshkent shahrida 8 ta avtomobil qatnashgan yo‘l-transport fojiasi ro‘y berdi. Bu haqda poytaxt Yo‘l harakati xavfsizligi boshqarmasi xabar berdi.

Ma’lum qilinishicha, soat 11:10 larda Chilonzor tumani “Eshonguzar” MFY, Chinni bozor oldida 8 ta mashina – 2 ta Spark, 3 ta Cobalt, 1 ta BYD, 1 ta Matiz va 1 ta Lacetti rusumli avtomobillarning to‘qnashishi natijasida YTH yuz bergan.

YTH oqibatida Cobalt avtomobilning 1 nafar yo‘lovchisiga shifokorlar tomonidan birinchi tez tibbiy yordam ko‘rsatildi.

Ushbu holat bo‘yicha Toshkent shahar IIBB YHXB mas’ul xodimlari tomonidan tergov ishlari olib borilmoqda.