Mutaxassislar ishga velosipedda qatnashni maslahat berishmoqda

Velosiped inson salomatligi uchun juda foydali ekanini hamma biladi. Bu harakatlanish vositasida ishga qatnash yanada foydali ekan. Evropa olimlari o‘tkazgan tadqiqotlar velosipedda ishga qatnagan odam stressdan nari bo‘lishi va faolligi ortishini ko‘rsatib berdi.

Buning uchun tadqiqotlarda 130 ga yaqin ko‘ngilli ishtirok etdi. Foydasi anketalarda ko‘rsatilganidan ham ko‘proq ekani ma’lum bo‘ldi. Agar siz kashanda bo‘lsangiz, velosipedda ishga qatnang. Uzog‘i bilan uch-to‘rt oyda kashandalikdan asar ham qolmaydi. Velosiped sayri o‘pkani bosqichma-bosqich tozalab boradi va organizmni tamaki mahsulotlaridan bezishga majbur etadi.