Qargʻaga 32 tilda gapirishni oʻrgatgan oʻzbekistonlik yigit olamdan oʻtdi

Surxondaryolik hayvon oʻrgatuvchi, oʻziga tegishli qargʻaga koʻplab tillarda gapirishni oʻrgatgan Shodibek Choriyev 27 yoshida olamdan oʻtdi. Bu haqda uning oila aʼzolari maʼlum qildi.

Yigit 9 oktyabr kuni olamdan oʻtdi.

Maʼlum boʻlishicha, u biriktiruvchi toʻqima diffirensiallashmagan diffuz kasalligi, kardit, gepatit va boshqa bir qancha kasalliklardan aziyat chekib kelgan.

Shodibek 1991 yili Surxondaryoning Sherobod tumanida tugʻilgan. U Oʻrta Osiyoda yagona boʻlgan Gosha laqabli 32 tilda soʻzlashuvchi qargʻasi bilan mashhurlikka erishgan.

Manba: Daryo.uz