Shavkat Mirziyoyev nuroniylar bilan suhbatlashdi

Prezident Shavkat Mirziyoyev Nukus xalqaro aeroportida nuroniylar, ziyolilar, turli millat vakillari bilan suhbatlashdi. Bu haqda Prezident matbuot xizmati habar bermoqda.

Ochiq va samimiy muloqot chog‘ida mamlakatimiz ichki va tashqi siyosatidagi islohotlar, ijtimoiy-iqtisodiy sohalarda amalga oshirilayotgan ishlar haqida so‘z yuritildi. Yig‘ilganlar hamma joylarda va hamma sohalarda o‘zgarishlar bo‘layotgani, buni odamlar o‘z uyi, mahallasi, tumani misolida his qilayotganini ta’kidladi.

Shuning bilan davlatimiz rahbarining Qoraqalpog‘istonga tashrifi yakunlandi.