Qoʻyliqda shakar toʻla “KamAZ” “Jiguli” ustiga agʻanadi (video)

Ijtimoiy tarmoqlarda Toshkent shahridagi gavjum yoʻllardan birida yuz bergan yoʻl-transport hodisasi tasvirlangan video keng tarqalmoqda.

Video muallifining soʻzlariga qaraganda, Qoʻyliq bozori yaqinida shakar toʻla “KamAZ” yuk avtomobili “Jiguli” mashinasi ustiga agʻanab ketgan. Katta ehtimol bilan “KamAZ” ortga qaytish maqsadida burilishda boshqaruvni yoʻqotgan va ogʻir yuk natijasida bir tarafga agʻanagan. Lavhada shakar qoplari koʻlmakda va asfaltda sochilib yotganini koʻrish mumkin.

YTH natijasida jabrlanganlar yoki halok boʻlganlar haqida ayni paytda rasmiy maʼlumot yoʻq.