“Temurbeklar maktabi” litseyi o‘quvchilari qasamyod qabul qilishdi

Kuni kecha Amir Temur hiyobonida O‘zbekiston Respublikasi Milliy gvardiyasining “Temurbeklar maktabi” harbiy-akademik litseyiga 2019-2020 o‘quv yilida qabul qilingan o‘quvchilarning qasamyod qabul qilish marosimi bo‘lib o‘tdi.

Tadbir aynan buyuk sohibqiron Amir Temur haykali qarshisida o‘tkazilishidan ko‘zlangan maqsad, yoshlarning tariximizni chuqur o‘rganishi, ulug‘ bobolarimizga munosib avlod va chinakam vatanparvar bo‘lib yetishishidan iboratdir.
Mazkur marosimda Milliy gvardiya qo‘mondonligi, o‘quvchilar va ularning ota-onalari hamda el ardog‘idagi san’atkorlar ishtirok etdilar.