«Narxoz» sobiq rektoriga nisbatan jinoyat ishi qo‘zg‘atilgani rostmi?

^{Foto: «Jahon.uz»}
Toshkent davlat iqtisodiyot universitetiga bog‘liq yana bir shov-shuvli xabar tarqaldi. Bir necha kun avval ushbu universitet rektorligidan bo‘shatilgan Bahodir Xodiyevga nisbatan jinoyat ishi qo‘zg‘atilgan. Bu haqda «Jahon.uz» o‘zining ishonchli manbalariga tayanib, ma’lum qildi.

Unga ko‘ra, korrupsion holatlar sabab rektor ishdan chetlatilishi ortidan oliy o‘quv dargohida tergov guruhi tekshiruv boshlagan. Tergov guruhi tarkibiga departament, soliq idoralari mutaxassislari jalb etilgani aytiladi.

Biroq ayni ma’lumotni Bosh prokuratura matbuot xizmati tasdiqlagani yo‘q, shu barobarida inkor etmadi ham.