Seuldan kelgan samolyotdagi yo‘lovchilar Toshkent aeroportida karantinga olindi​

Koronovirusning O‘zbekistonda tarqalishining oldini olish maqsadida bugun Seuldan kelgan HY514 reysi yo‘lovchilari Toshkent aeroportining xalqaro terminalining alohida zalida vaqtincha sanitariya izolyatsiyasiga joylashtirildi, deb xabar berdi Uzbekistan Airways kompaniyasi.

Qayd etilishicha, O‘zbekiston Respublikasi Sog‘liqni saqlash vazirligi tomonidan bir qator zarur profilaktik tadbirlar o‘tkazilgandan so‘ng va SARS belgilari yo‘qligi tasdiqlangandan so‘ng yo‘lovchilar karantin xonasidan chiqib ketishlariga ruxsat beriladi.