Buxorolik erkak qo‘shnisidan balandroq uy qurgani uchun pichoqlandi

Buxoroda qo‘shnisini pichoqlab o‘ldirgan shaxsga nisbatan sud hukmi o‘qildi. Bu haqda Effect.uz yozdi.
Hodisaning Qorako‘l tumanida sodir bo‘lgani aytilmoqda. Qo‘shnilar uzoq muddat davomida aynan mana shu sabab kelisha olmay yurishgan, hudud noziri ularni yarashtirishga bir necha bor uringan. Ammo, qo‘shnilar yarashib olishni istamaganlar.

Navbatdagi janjallarning birida fuqaro U.Ye. qo‘shnisi I.X. tanasiga pichoq bilan zarba bergan. Ko‘rsatilgan tezkor tibbiy yordam choralariga qaramay, erkak vafot etgan. Ayblanuvchiga esa sud qarori bilan 19 yilu 1 oylik qamoq jazosi tayinlandi.