Toshkentda bugundan bepul dori-darmon qutichalari tarqatiladi

Bu haqda Xalqaro press-klub sessiyasida SSV huzuridagi Muvofiqlashtirish kengashi raisi Habibullo Oqilov ma’lum qildi. U O‘zA muxbirining «Gidroksixloroxin» dori preparati haqidagi savoliga javob berar ekan, jumladan shunday dedi:

– Siz aytayotgan «Gidroksixloroxin» dori preparatini statsionar sharoitda davolanayotgan bemorlarda foydalanyapmiz – dedi H.Oqilov. - Ammo uy sharoitida davolanayotgan simptomsiz bemorlar protokolidan olib tashlandi. To‘g‘ri, uy sharoitida davolanayotgan bemorlarga bepul yetkazib berilayotgan dori-darmonlar qutichasida «Gidroksixloroxin» dori preparati bor edi. Endilikda uning o‘rniga «Avigan» qo‘shildi va 5 ming dona dori-darmon qutichasi tayyorlandi. Ular ertadan boshlab Toshkent shahri aholisi uchun tarqatila boshlaydi.