Bank xatosi psixiatrni milliarderga aylantirdi

^{Foto: «InoSMI»}
AQSHning Massachusets shtatida yashovchi psixiatr kutilmaganda milliarderga aylandi. Bankda o‘ziga hisob raqami ochdirgan bu erkak qarasa, hisobida 2,45 milliard dollar puli bor...

Ko‘zlariga ishonmay mobil ilovadan bankdagi hisobini qayta-qayta tekshirib ko‘rdi — hech narsa o‘zgarmadi.
Avvaliga bankdan xatolik o‘tgan bo‘lsa o‘zlari to‘g‘rilab qo‘yishar degan xayolga bordi, keyin baribir chidolmay bankning mijozlar bilan ishlovchi menejeriga qo‘ng‘iroq qilib vaziyatni tushuntirdi.

Aniqlanishicha, xatolik bankdan o‘tgan, «raqamlarni terishda ko‘paytirib yuborishgan» ekan.
15 daqiqalik «zo‘raki milliarder» keyinchalik o‘z taassurotlarini ijtimoiy tarmoqlarda boshqalar bilan o‘rtoqlashgan.