“Yangi yil” bayrami arafasida mahkumlar muddatidan ilgari shartli ozod etildi

Insonparvarlik- insonning qadri, erkinligi, baxt saodati, teng huquqlari to‘g‘risida, insoniylikning barcha tamoyillarini yuzaga chiqarish uchun shart sharoitlar yaratib berish haqida g‘amxo‘rlik qilishni ifodalovchi tushuncha. Inson taqdiri, xalq manfaatlari, mamlakat kishilari, haqida g‘amxo‘rlik insonparvarlikning asosiy masalasidir.

Ana shu maqsadda jinoyat ishlari bo‘yicha Nurota tuman sudi tomonidan 2020 yil 24 dekabr kuni o‘tkazilgan ochiq sud majlisida Nurota tuman ichki ishlar organlari probatsiya guruhi hisobida turuvchi 5 nafar mahkumlar o‘rnatilgan tartib-qoida talablarini bajarganligi, mehnatga halol munosabatda bo‘lib, tuzalish yo‘liga kirganligi, jazoning belgilangan qismini o‘taganliklari sababli ularga insonparvarlik prinsipi qo‘llanilib, O‘zbekiston Respublikasi Jinoyat Kodeksining 73-moddasiga asosan o‘talmay qolgan jazodan muddatidan ilgari shartli ozod etildilar.