O‘zbekistonda prezidentlik sayloviga rasman start berildi

^{Foto:«Xalq so‘zi»}
2021 yil 24 oktabr kuni O‘zbekistonda prezidentlik saylovlari bo‘lib o‘tadi. Bugun saylovga rasman start berildi. Bu haqda Markaziy saylov komissiyasi matbuot markazida saylovga start berish anjumanida ma’lum qilingan.

Saylovda 5 ta partiya o‘z nomzodlari bilan qatnashadi. Prezidentlik saylovi O‘zbekiston Respublikasi Konstitutsiyasining 117-moddasiga kiritilgan o‘zgarishlar sababli dekabrida emas, oktabr oyida o‘tkazilishi belgilangan edi.

Eslatib o‘tamiz, hozircha hech qaysi partiya o‘z nomzodini ochiqlaganicha yo‘q.