«Qo‘rqinchli va g‘ayritabiiy»: Qarshida kamyob hodisa kuzatildi (foto)

^{Foto: Hilola Ruhiddinova.}
Bugun O‘zbekistonning ayrim hududlarida o‘ziga hos ob-havo sharoiti kuzatildi. Jumladan, Qashqadaryo viloyatida tropik mintaqaga xos bulutlar oqimi tasvirlari tarqaldi.

Bulutlar chaqmoq-momaqaldiroqli xususiyatga ega. Ular shimolga qarab harakatlanmoqda. Darvoqe, bu bulut quyi chegarasi yer sirtiga juda yaqin joylashgan va yashin tushish xususiyatiga ega.

Baland bino va baland daraxtlar mavjud bo‘lmagan(asosan dala maydonlari va ochiq yaylovlarda) ochiq maydonda aholi harakatlanmasligi tavsiya etiladi, deya yozadi meteorolog Erkin Abdulahatov.