Jennifer Lopes ilk bor Toshkent sahnasida

Mashhur amerikalik xonanda Jennifer Lopes ilk bor O‘zbekistonda konsert beradi. “Up All Night – LIVE IN 2025” deb nomlangan global gastrol safari doirasidagi konsert 2025-yil 7-avgust kuni Toshkentdagi “Bunyodkor” stadionida o‘tkaziladi.

Bu shou Jennifer Lopesning O‘zbekistondagi birinchi sahna chiqishi bo‘lib, u Madaniyat va san’atni rivojlantirish jamg‘armasi tomonidan yo‘lga qo‘yilgan xalqaro madaniy aloqalarni mustahkamlash va turizm salohiyatini oshirishga qaratilgan tashabbuslar doirasida tashkil etilmoqda.