Ozodbek Nazarbekov farzandini o‘qishga kirita olmay, undan yordam so‘raydiganlarni tushunmasligini aytdi

O‘zbekiston xalq artisti Ozodbek Nazarbekov eng zarur vaqtda hech kimdan yordamini ayamasligini ma’lum qildi. Bu haqda u “Darakchi” gazetasiga bergan intervyusida aytib o‘tdi.

“Doim atrofimdagi insonlarga e’tiborliman. Muhim muammolarining o‘sha zahoti echim topishi uchun men uchun birinchi o‘rinda turadi, lekin ba’zida yonimga yordam so‘rab keladigan insonlarni tushunmayman”, – dedi O‘zbekiston xalq artisti.

“Gap-so‘zlarini eshitsangiz, o‘sha insondan baxtsiz odam yo‘qdek, asl maqsadini eshitsangiz, o‘g‘li yoki qizini o‘qishga kira olmayotganidan aziyat chekayotganligini aytadi…”, – dedi Nazarbekov.

“Farzandi o‘qishga kira olmasa, bu fojea emas-ku, to‘g‘rimi? Hayot bilan kurashayotgan, og‘ir to‘shakda yotganlar qancha?! Eng zarur bo‘lgan paytda hech kimdan yordamimni ayamaganman”, – deya qo‘shimcha qildi Ozodbek Nazarbekov.

Manba: www.kun.uz