Shahzodaning 2017 yilgi konsert kunlari ma’lum bo‘ldi

Xonanda Shahzoda har yili “Istiqlol” san’at saroyida 1 maydan 7 mayga qadar konsert dasturini taqdim etardi.

Bu yil esa Shahzodaning konserti kunlari o‘zgardi. Xonanda an’anaga sodiq qolgan tarzda may oyida konsert beradi, biroq 1 maydan 7 mayga qadar emas.

Shahzodaning 2017 yilgi konserti 5-11 may kunlari “Istiqlol” san’at saroyida bo‘lib o‘tadi. Bu haqda xonandaning o‘zi ijtimoiy tarmoqlardagi sahifalarida ma’lum qildi, deb xabar qildi \"Darakchi\" nashri.